PERSONLEG TRENAR

Personleg trenar for functional fitness

Personleg trenar for functional fitness gir deg individuelt tilpassa opplæring og rettleiing i funksjonelle øvingar. Ønsker du teknisk opplæring utover det du får på timane og introkurset våre? Då kan våre personlege trenarar hjelpe deg. Enten det er grunnleggande øvingar som knebøy, roing eller pushpress du treng hjelp til. Eller meir avanserte teknikkar, som rykk, støt, toes to bar og handstand push-ups. Du kan òg få hjelp til pre- og rehabiliterande øvingar, eller at me spesifikt jobbar mot betre mobilitet i t.d. skuldre eller hofter.

Du får opplæring som er nøye tilpassa dine mål, føresetnader og erfaring. Uansett om du er nybyrjar eller erfaren utøvar, sikrar ein personleg trenar at du lærer øvingar og teknikkar på ein trygg, effektiv og strukturert måte. Med tett oppfølging får du dei tilbakemeldingane og den tida du treng for å forstå og meistra øvingane skikkeleg.

Personleg trenar for alle nivå

Å ha ein personleg trenar passar både for nybyrjarar som vil starte trygt og effektivt, og for erfarne utøvarar som ønskjer å heve kvaliteten på treninga si. Med ein personleg trenar får du ikkje berre rettleiing i teknikk, men også motivasjon og struktur.

PT 1-til-1 eller PT Duo

Me tilbyr PT 1-til-1 og PT Duo. Med 1-til-1 er det kun deg og trenaren, medan duo gir deg høve til å trene saman med ein annan. Duo kan vera både meir sosialt, litt mindre intimt, og sjølvsagt billigare.

Alle timar varer i ein heil time, med moglegheit for andre løysingar om ønskeleg.

Privat introkurs med personleg trenar

Ønsker du eit privat introkurs, kan du kjøpa pakken «3 klipp» på PT 1-til-1. Eller om du vil gjera kurset med ein ven, vel tilsvarande pakke på PT Duo. Om du melder deg inn med 12 mnd. binding etter introkurset (gjerne i kombinasjon med andre typar medlemskap først), får du første månad gratis.